Izigaba zemicimbi yeSintu eyenzelwa intombazane Izazi zamasiko esiZulu endulo zaziyihlukanise kathathu imicimbi eyabe yenzelwa intombazane ngokwezigaba edlula kuzo ngesikhathi ikhula ize ibe sezingeni lobukhosikazi. Lapha kufaka phakathi ukwenzelwa idili lomhlonyane, umemulo kanye nomkhehlo. Le micimbi yayenziwa ngabazali, wumndeni noma yizihlobo eziqavile zentombazane. Ngokwemiyalelo yezincithabuchopho emasikweni esiZulu lokhu kwenziwa ngokulandelana. Kuqala uMhlonyane, kulandele uMemulo, kugcine uMkhehlo....Read More

Ivuke gubhu kusempondo zankomo induna yesigodi sakwaThengamehlo uNxantathu Sibisi. Abhince ibheshu lakhe, ngenhla uqimbile, abuye alikhumule agqoke ibhulukwe neyembe aphumele emnyango abone kusemnyama bhuqe phandle abuyele endlini. Ubelele obenyoni ubusuku bonke kulandela umbiko awuthunyelelwe uzakwabo wasesigodini saseNgcongoma. Ayithathe le ncwadi equkethe lo mbiko ayifundisise. Azibuze angayitholi impendulo, udliwa udweshu lwangaphakathi. Kumcacele ukuthi ubengaphuphi neze uma...Read More

Owakini umuzi unalo yini igama? KUSADLIWA ngoludala imizi yamadoda yabe ihlukaniswe yimifula nezintaba. Yayakhe iyisidlidli ndawonye noma yakhe igqagqane emathafeni phezu kwemifula igudle izintaba lapha nalaphaya. Nakuba zazifika izikhathi lapho abantu ababehlala kuleyo mizi babexabana ngenxa yezimpi zemibango eyahlukahlukene ezindaweni abakhe kuzo kodwa babebuye bakhumelane umlotha maqede bahlale ngokuthula. Babebukhuthaza kakhulu ubuhlobo nenhlalakahle emphakathini. Babenezimfundiso...Read More

AYESHO kanje evukelwa wusinga amabutho aKwaZulu ngesikhathi evumisa amahubo  esintu kunodwendwe endaweni. Kwakusuke kunomncintiswano wedili lomshado. Lowo mdlalo wawuvusa usinga. Wawubizwa ngokuthi wumgangela wabakhephehleli (izinsizwa). Lapha Izinsizwa zazizwana amandla, zishayane ngezinduku kuze kube khona ohlulwayo phakathi kwalaba ababili ababhekene bukhoma. Kwesinye isikhathi umgangela ndini lowo wawuphetha ngokusuka kwempi. Kushaywe wonke umuntu oseduzane nabadlala umgangela. Kwakuba...Read More